Japonııa Túrkimenstandaǵy jańa halyqaralyq porttyń qurylysyna ınvestıtsııa salýǵa ázir
ASTANA. QazAqparat - Túrkimenstan-Japonııa ekijaqty júrgizilgen kelissózderi aıasynda kún shyǵys eli Túrkimenbashy qalasynda jańa halyqaralyq teńiz portyna ınvestıtsııa salýǵa daıyn ekenin jetkizdi, dep habarlady trend.az saıty Túrkimenstan úkimetine silteme jasaı otyryp.
«Bul port - eldiń «teńizdegi qaqpasy» ǵana emes, sonymen birge búginde jasalyp jatqan óńirlik qýatty kólik ınfraqurylymynyń ajyramas mańyzdy bóligi», delingen aqparatta. Buǵan deıin Túrkimenbashyda jańa port qurylysyn júrgizýge jarııalanǵan quny 2 mlrd dollardan turatyn halyqaralyq tenderdiń basty merdigeri «Çalyk Holding» quramyna kiretin Túrkııanyń «Gap Inşaat» kompanııasy anyqtalǵan bolatyn. Bul joba boıynsha termınal, keme qurylysy, keme jóndeý zaýyty, jaǵalaý ınfraqurylymy nysandary salynady.
