Japonııa týrısterge saýsaq bederi arqyly aqsha tóleýdi usynýda
Osylaısha el bıligi Japonııaǵa keletin týrıster sanyn arttyryp, qarjyǵa qatysty qylmys sanyn azaıtýdy kózdep otyr. Jańa qyzmet týrısterge nesıe kartasyn nemese qolma-qol aqsha alyp júrý, valıýta aıyrbastaý sekildi mashaqattardan aryltady. Olar elge kelgen kezde, saýsaq izderin, jeke jáne banktiń nesıe kartasynyń málimetterin áýejaıdaǵy arnaıy dúńgirshekte tirkeıdi. Budan keıin olar dúkenge baryp, taýar satyp alǵan soń skanerge saýsaǵyn tıgizse, ekranǵa tólenetin soma eseptep shyǵarylady.
Japonııanyń bıligi osylaısha sheteldikterdiń elde júrýi men olardyń tutyný jónindegi is-qımyldaryn qadaǵalaı alady.
Bastapqyda jobaǵa týrıstik aýdandardaǵy 300 qonaqúı, meıramhana jáne kádesyı dúkenderi qatysady. Tehnologııany 2020 jyly Tokıodaǵy Olımpıada oıyndaryna qaraı tolyq engizýdi josparlap otyr.
Aı sońynda júıeni tokıolyq Aeon Bank alǵash ret synaqtan ótkizedi. Klıentter bankomattardan aqshany plastık kartochkalarynsyz, saýsaq izderiniń kómegimen sheshe alady.
