Japonııa turǵyny qytaı týrısterinen koronavırýs juqtyrǵan

TOKIO. QazAqparat – Japonııa úkimeti seısenbi kúni qytaılyq jańa koronavırýsty juqtyrǵan taǵy eki adamnyń anyqtalǵanyn málimdedi. Onyń biri - Ýhan qalasyna eshqashan barmaǵan týrıstik avtobýstyń júrgizýshisi, dep habarlaıdy QazAqparat Kyodo agenttigine silteme jasap.

Japonııa densaýlyq saqtaý mınıstri Katsýnobý Katonyń aıtýynsha, aıdyń basynda 60 jastaǵy týrıstik avtobýs júrgizýshisi Ýhannan kelgen bir top týrısterdi alyp júrgen.

Batys Japonııanyń Nara prekfektýrasynda turatyn júrgizýshige senbi kúni pnevmonııa degen dıagnoz qoıylyp, emhanaǵa jatqyzyldy.

Ekinshi azamat - 40 jastaǵy Ýhan turǵyny. Ol 20 qańtarda Japonııaǵa kelgen. Ol da ókpe aýrýyna shaldyqqan.

Osylaısha, Japonııada ınfektsııa juqtyrǵandar sany alty adamǵa jetti, onyń bireýi Ýhan qalasyna barmaǵan.

Mınıstrlik eki jańa naýqaspen baılanysta bolǵan adamdardyń densaýlyǵyn tekserip jatqanyn málim etti.