Japonııa tazalyqty qalaı saqtaıdy
NUR-SULTAN. QazAqparat - «Japonııaǵa barǵan halyq memlekettiń muntazdaı tazalyǵyna tańdaı qaǵady. Odan keıin kózge túsetini – qoqys tastaıtyn ýrnalar men aýla sypyrýshylardyń joqtyǵy. Soǵan qaramastan, Japonııa qalaısha erekshe taza memleketke aınaldy?» dep jazady VVS.
Avtordyń aıtýynsha, memlekettiń tazalyǵyn azamattar saqtap tur.
«Mektepte 12 jylda tazalyq jumystary kúndelikti tártip sanalady. Otbasynda ár ata ana balalardy tazalyqqa úıretip, qorshaǵan ortany tazalyqta ustaý kerektigin boıyna sińiredi. Bul qoǵamdyq sananyń elementin mektep baǵdarlamasyna engizip, balalardy qorshaǵan ortany aıalaýǵa baýlıdy. Ózderi tazalaýy kerek mektep aınalasyn kim shashsyn?», dep jazady avtor. Onyń aıtýynsha, bul balalardy jaýakershilikke úıretedi.
«Japonııanyń tazalyq sharalary týrıstik kórnekilikke aınalǵan. Tipti, japon fýtbol jankúıerleri de 2014 jyly Brazılııadaǵy, 2018 jylǵy Reseıdegi álem chempıonatynda álemdi tańdandyrǵan edi. Mundaı stsenarıı mýzyka festıvalderinde de baıqalady», deıdi avtor. Onyń jazýynsha, keńse qyzmetkerleri kúnde tańerteń jumys oryndarynyń aınalasyn jınaıdy. Balalar aı saıyn mektep aınalasyn tazalaıdy», dep jazady avtor.
Avtor budan ári japondardyń ne sebepti tazalyqqa qumar ekenin anyqtaýǵa tyrysqan.
«1600 jyly Ýıll Adams Japonııaǵa barǵan alǵashqy aǵylshyn boldy. Ol óz bıografııasynda japondar aınalasyn taza ustaıtynyn jáne óziniń osyndaı tazalyqqa tańǵalǵanyn japondar túsinbegenin jazǵan. Tazalyqqa qumarlyq praktıkalyq problemalardan paıda bolýy múmkin. Japonııadaǵydaı ystyq jáne ylǵaldy ortada taǵam tez taýsylady, bakterııa jyldam taraıdy. ıAǵnı, jaqsy gıgıena jaqsy densaýlyq kepili bolady», deı kele avtor Japonııaǵa barǵan kez kelgen adam tazalyqqa tez úırenetinin, al eline oralǵan soń burynǵy tirshilikti qabyldaı almaıtynyn jazǵan.
