Japonııa tarıhyndaǵy eń joǵary aýa temperatýrasy tirkeldi

ASTANA. KAZINFORM — Japonııanyń kóptegen qalasynda aptap ystyq jalǵasyp jatyr, dep jazady Anadoly Japan Times basylymyna silteme jasap.

Hego prefektýrasyndaǵy Tanba qalasynda aýa temperatýrasy 41,2 gradýsqa deıin kóterilip, el tarıhyndaǵy eń joǵary kórsetkish retinde tirkeldi.

Bul — 2018 jáne 2020 jyldary tirkelgen 41,1 gradýstan asyp túsken kórsetkish.

Ótken aptada el boıynsha 5 myńnan astam adam kún ótý belgilerimen aýrýhanaǵa jetkizilgen.

Bılik ystyq birneshe kúnge sozylýy múmkin ekenin eskertip, azamattardy kún ótýiniń aldyn alý sharalaryn qabyldaýǵa keńes berýde.

Aıta keteıik, buǵan deıin 40 gradýstyq ystyqta qalaı qorǵanýǵa bolatynyn jazǵan edik.