Japonııa sońǵy atom reaktoryn óshiredi
ASTANA. 5 mamyr. QazAqparat - Búgin keshke Japonııa 54 atom reaktorynyń sońǵysyn jabady, dep habarlady «Komsomolskaıa pravda» gazeti.
1966 jyldyń shildesinen beri el alǵash ret atom energııasyn almaıtyn boldy. Soltústiktegi Hokkaıdo aralynda ornalasqan Tomarı atom elektr stansasyndaǵy úshinshi reaktor josparly tekserý úshin jabylady.
Ókimet oryndary Tokıo men Osaka qalalarynyń turǵyndaryn jazǵy ystq kúnderi elektr enegııasyn tutyný kóbeıgen kezde iri qalalardaǵy elektr jaryǵy kezegimen sóndiriletinin eskertti. Ótken jylǵy Fýkýsımadaǵy apatqa deıin Japonııada jalpy elektr tutynýdaǵy atom energııasynyń úlesi úshtiń birin quraıtyn edi. Alaıda japondyqtar naýryzdaǵy jer silkinisi men tsýnamıden keıin AES-tarǵa qarsy bolyp otyr.
Tokyo Electric Power Co qyzmetkerleri Fýkýsımadaǵy AES-te búlingen reaktorlardaǵy temperatýrany 100 gradýstan tómendetýge qol jetkizdi. Qazir olar radıoaktıvtik bý shyǵarmaıdy, al jer silkinisi men tsýnamıdiń alǵashqy aptalarynda aýaǵa jáne topyraqqa eleýli radıoaktıvtik materıaldar taralǵan bolatyn.
Japondyqtardyń atom energııasyna qarsylyǵy kúshti bolyp otyrǵany sonshalyq, jergilikti ókimet oryndary atom reaktorlaryn qaıta qosýǵa bata almaı otyr.
