Japonııa sheteldikter úshin vıza alymdaryn bes esege kóterdi
ASTANA. KAZINFORM — Japon úkimeti shilde aıynan bastap sheteldikter úshin bir rettik vızaǵa ótinish berý tólemin bes ese, ıaǵnı 3000 ıennen 15 000 ıenge (shamamen 90 dollar) deıin ulǵaıtý týraly sheshim qabyldady, dep habarlaıdy Kyodo.
Bul 1978 jyldan bergi alǵashqy ósim bolyp otyr. Mundaı sheshim ınflıatsııa men ıenanyń álsireýine baılanysty qabyldanǵan.
Belgilengen merzim ishinde elge birneshe ret kirýge múmkindik beretin kóp rettik vızanyń quny 6 myń ıennen 30 myń ıenge deıin qymbattaıdy.
— Biz bul sheshimge kelý týrızmge birden áser etedi dep kútpeımiz, — dedi Tosımıtsý Motegı baspasóz máslıhatynda.
Vıza alymy mólsheriniń ósýi Japonııadaǵy vızalyq tólemderdi «Úlken jetilik» elderindegi deńgeıge jaqyndatýǵa baǵyttalǵan.
Buǵan deıin QR Syrtqy ister mınıstrligi qazaqstandyqtardyń AQSh vızasyn alý kezinde jıi bas tartýǵa tap bolýynyń sebebine túsinikteme berdi.
