Japonııa sarapshylary COVID-19 indetiniń toǵyzynshy tolqyny týraly boljam jasady

ASTANA. QazAqparat – Japonııa sarapshylary koronavırýstyń toǵyzynshy tolqynynda elde ólim-jitim kóp bolýy múmkin dep paıymdaıdy. Ásirese, qart adamdarǵa qaýip basym bolmaq, dep habarlaıdy QazAqparat NHK-ge silteme jasap.

Sarapshylar Japonııada bolýy múmkin koronavırýstyń toǵyzynshy tolqyny týraly qujat daıyndaǵan. Olardyń qatarynda eldiń densaýlyq saqtaý mınıstrligi sarapshylar keńesin basqaratyn Vakıta Takadzı jáne Tohoký ýnıversıtetiniń professory Osıtanı Hıtosı bar.

Qujatta shekteýler azaıǵan soń Japonııanyń kóp bóliginde koronavırýs juqtyrǵandardyń kóbeıip bara jatqany kórsetilgen. Sarapshylar aqpan men naýryzda júrgizilgen zertteýler qorytyndysyn alǵa tartady. Ol turǵyndardyń 32,1%-y ǵana koronavırýs juqtyrǵanyn jáne antıdeneleri baryn kórsetken. Mamandardyń pikirinshe, antıdeneleri bar adamdardyń azdyǵy kelesi toǵyzynshy tolqynnyń osy qysta ótken segizinshisinen aýqymdy bolatynyn meńzeıdi.

Sondaı-aq, mamandar ınfektsııa taralǵan kezde vaktsına saldyrǵan adamdardyń paıyzdyq úlesi tómen bolsa, onda ólim-jitim basqa elderge qaraǵanda kóp bolatynyn aıtady. Ásirese, qart turǵyndarǵa asa qaýipti bolýy múmkindigin de atap ótedi.