Japonııa radıoaktıvti ormandaǵy órtti bir aptadan beri sóndire almaı jatyr
ASTANA. QazAqparat - Japondyq áskerı qyzmetshiler juma kúni órtpen kúresti jańartty. Apatqa ushyraǵan «Fýkýsıma-1» AES jabyq aımaǵynda radıoaktıvti ormanda ótken senbiden beri jalyndy aýyzdyqtaý múmkin bolmaı jatyr, dep habarlady TASS.
Órtti sóndirý úshin tikushaqtar paıdalanylýda. Jerde qorǵanys kombınezonyn kıgen 240 adam jalynmen arpalysýda. Fýkýsıma prefektýrasy bıliginiń derekterine sáıkes, órt saldarynan radıatsııa deńgeıiniń artýy tirkelgen joq.
Qazirgi ýaqytta apatty AES-ke birneshe ondaǵan shaqyrym jerde Namıe qalasynda taý betkeıleriniń mańyndaǵy 20 gektardan astam orman janyp ketti. Órtpen kúresýge kúshti jel kedergi keltirýde. Jalynnyń tutanýyna naızaǵaı sebep bolǵan dep boljanýda.
