Japonııa radıatsııanyń taralýyn toqtatý úshin 500 mln. dollar jumsamaq
ASTANA. 3 qyrkúıek. QazAqparat - Japonııa Úkimeti «Fýkýsıma» AES-te radıatsııanyń taralýy men sýdy zararsyzdandyrýǵa 500 mln. AQSh dollaryna jýyq qarjy bólýge ýáde etti.
VVS-diń málimetinshe, lastanǵan sýdyń aǵýyn toqtatý úshin zaqymdanǵan reaktordyń astyndaǵy topyraqty qatyryp tastaý josparlanyp otyr. Sonymen qatar jańadan tazartý júıesin salý qarastyrylýda.
Aıta keteıik, «Fýkýsıma» atom elektr stansasyndaǵy reaktor 2011 jyly bolǵan jer silkinisi men tsýnamı saldarynan zaqymdanǵan edi. Jeksenbi kúni atalǵan stansadaǵy radıatsııanyń deńgeıi burynǵyǵa qaraǵanda 18 ese joǵary bolǵany anyqtaldy.
Operator-kompanııanyń habarlaýynsha, stansa konteınerleriniń birinen 300 tonna radıoaktıvti sý topyraqqa sińip ketken.
