Japonııa Premer-mınıstriniń ofısinde Qasym-Jomart Toqaevty resmı qarsy alý rásimi ótti
TOKIO. KAZINFORM – Japonııa Premer-mınıstriniń ofısinde Prezıdent Qasym-Jomart Toqaevty saltanatty qarsy alý rásimi ótti. Bul týraly Aqordanyń baspasóz qyzmeti habarlady.
Qurmet qaraýyly sap túzep, qos eldiń memlekettik ánurandary shyrqaldy. Qurmet qaraýylynyń bastyǵy raport bergennen keıin Qasym-Jomart Toqaev pen Sanae Takaıchı bir-birine resmı delegatsııa múshelerin tanystyrdy.
Aıta ketelik Qasym-Jomart Toqaev Japonııaǵa resmı saparmen bardy. Sonymen qatar Tokıoda jalpy quny 3,7 mlrd dollardan asatyn kelisimderge qol qoıylady.
Memleket basshysy Japonııa Imperatory Narýhıtomen kezdesti. Sondaı-aq Qasym-Jomart Toqaevtyń qurmetine resmı qabyldaý ótti. Keıin Toqaev Meıdjı Djıngý ǵıbadathanasyn aralap kórdi. Sonymen qatar Qasym-Jomart Toqaev Japonııada turyp jatqan qazaqstandyqtarmen kezdesti jáne Japonııa Parlamentiniń Qazaqstanmen dostyq lıgasy múshelerimen kezdesti.