Japonııa premer-mınıstri Sıgerý Isıba otstavkaǵa ketedi – BAQ

ASTANA. KAZINFORM – Japonııa premer-mınıstri Cıgerý Isıba otstavkaǵa ketedi, bul jaıly ol tamyz aıynyń sońyna deıin jarııalaıdy. Bul týraly Mainichi gazeti málim etti, dep habarlaıdy TASS aqparat agenttigi. 

Mainichi gazetiniń habarlaýynsha, Sıgerý Isıba óziniń otstavkaǵa ketetini týraly aınalasyndaǵylarǵa aıtyp qoıǵan.

Japonııa premer-mınıstri Sıgerý Isıba ózi tóraǵa bolyp tabylatyn bıleýshi Lıberaldyq-demokratııalyq partııa (LDP) saılaýda jeńiliske ushyraǵannan keıin jáne tamyz aıynyń sońyna qaraı otstavkaǵa ketýge nıetti.

Isıba úkimettiń úsh burynǵy basshysy – Esıhıde Sýga, Fýmıo Kısıda jáne Taro Asomen kezdesýler ótkizedi dep josparlanyp otyr, bul ádetten tys bolyp sanalady. Gazettiń úkimettegi derekkóziniń habarlaýynsha, premer-mınıstr «burynǵy úsh premer-mınıstr aldynda basyn ıedi».

20 shildede ótken saılaýda LDP men «Komeıto» partııasynyń basqarýshy blogy parlamenttiń joǵarǵy palatasyndaǵy kópshilik orynnan aıyryldy. Bul Isıba úshin qatarynan ekinshi elektoraldy jeńilis – ótken kúzde basqarýshy koalıtsııa parlamenttiń negizgi tómengi palatasyndaǵy kópshiliginen aıyryldy. Osydan keıin jergilikti BAQ-tyń habarlaýynsha, LDP-degi kóptegen adam Isıbany otstavkaǵa ketýge shaqyra bastady.

Kazinform úshin arnaıy TASS seriktes agenttigi usynǵan.

Eske sala ketsek, Japonııanyń basqarýshy koalıtsııasy parlamenttiń joǵarǵy palatasyndaǵy basym kópshiliginen aıyryldy, biraq premer-mınıstr Sıgerý Isıbanyń málimdeýinshe, ol otstavkaǵa ketýdi josparlap otyrǵan joq. 

Buǵan deıin Donald Tramp AQSh-tyń Japonııamen saýda kelisimin ornatqanyn, oǵan sáıkes japondyq taýarlarǵa 15 paıyzdyq baj salyǵy engiziletinin málimdegenin jazǵan bolatynbyz.