Japonııa premer-mınıstri: Qorǵanys salasynyń shyǵynyn ózimiz anyqtaımyz
ASTANA.KAZINFORM - Japonııanyń premer-mınıstri Isıba Sıgerý 5 naýryz kúni Senattyń Bıýdjet komıtetiniń otyrysynda «Japonııanyń qorǵanys shyǵynyn ózimiz aıqyndaımyz, bul ózge eldiń emeýrinimen sheshiletin sharýa emes» dep málimdedi.
Bul týraly Kıodo agenttigi habarlady.
Sondaı-aq, Mınıstrler kabınetiniń bas hatshysy Haıası Esımasa da baspasóz máslıhatynda «Biz (qorǵanys shyǵynynyń) mejeli somasyn nemese JІÓ-degi úlesin aldyn ala uıǵarmaımyz, bastysy - qorǵanys áleýetiniń mazmuny» dep atap ótti.
Haıası Esımasa úkimettiń 2027 jylǵa qaraı qaýipsizdikke bólinetin qarajattyń JІÓ-degi úlesin 2%-ǵa deıin arttyrý josparyn iske asyrýǵa qulshynyp jatqanyn, qorǵanys qabiletin túbegeıli nyǵaıtý boıynsha jumystyń dáıekti túrde jalǵastyrylatynyn aıtty.
Buǵan deıin AQSh Qorǵanys mınıstrliginiń orynbasary qyzmetine usynylǵan Elbrıdj Kolbı Japonııanyń qorǵanys shyǵynynyń JІÓ-degi úlesin tez arada 3%-ǵa deıin ulǵaıtýdyń qajettigin aıtqan bolatyn.
Osyǵan deıin Japonııa atom energetıkasy salasyn qaıta qarastyratyny týraly jazǵan edik.