Japonııa premer-mınıstri Baıdenge Super Mario oıynshyqtaryn syılady

ASTANA. KAZINFORM – Amerıka Qurama Shtattarynda resmı saparmen júrgen Japonııa premer-mınıstri Fýmıo Kısıda AQSh prezıdenti Djo Baıdenge 2024 jyldyń basyndaǵy jer silkinisinen zardap shekken Japonııanyń Noto aımaǵyndaǵy qoldan jasalǵan kádesyılar men Nintendo Super Mario Bros. keıipkerleri bar túrli oıynshyqtardy tartý etti. Bul týraly Japonııanyń Syrtqy ister mınıstrligi habarlady. 

TASS agenttiginiń habarlaýynsha, Kısıdanyń atynan Amerıka prezıdentine Wajima-Nuri kofe shynyaıaqtary men japon tehnologııasy boıynsha jasalǵan jazý quraldarynyń jıyntyǵy syıǵa tartylǵany atap ótildi. Japonııa premer-mınıstri Baıdenge Super Mario Bros. álemindegi keıipkerler, onyń ishinde aǵaıyndy Marıo, sondaı-aq Pıch hanshaıymy men Ioshı dınozavrlaryn berdi. Kollektsııada sonymen qatar ydys-aıaq, sómke jáne franshıza keıipkerleri bar fýtbolka bar.

Óz kezeginde Japonııa úkimeti basshysynyń jubaıy ıÝko Kısıda Baıdenge japon zergerleri jasaǵan zergerlik buıymdar jıyntyǵyn tabystady.

Japonııa premer-mınıstri AQSh-ta memlekettik saparmen júr. Onymen birge Syrtqy ister mınıstri Eko Kamıkava men Ekonomıka, saýda jáne ónerkásip mınıstri Ken Saıto da bar. Kısıda búgin, 10 sáýirde AQSh prezıdenti Djo Baıdenmen kelissózder ótkizip, erteń AQSh Kongresinde sóz sóıleıdi dep kútilýde. Sonymen qatar Fılıppın prezıdenti kishi Ferdınand Markostyń qatysýymen úshjaqty sammıt ótkizý josparlanyp otyr.