Japonııa premer-mınıstri: Álemdegi ıadrolyq qarýsyzdaný jaǵdaıynyń nasharlaýyna Reseı men KHDR kináli

ASTANA. KAZINFORM - Álemdegi ıadrolyq qarýsyzdaný jaǵdaıynyń nasharlaýyna Reseı men KHDR kináli. Bul týraly Japonııa premer-mınıstri Fýmıo Kısıda parlamenttiń tómengi palatasynyń jalpy otyrysynda sóılegen sózinde aıtty, dep habarlaıdy TASS agenttigi.

«ıAdrolyq qarýsyzdaný tóńiregindegi jaǵdaı Reseı tarapynan tónetin ıadrolyq qaýip pen Soltústik Koreıanyń ıadrolyq jáne zymyrandyq tehnologııasynyń damýyna baılanysty barǵan saıyn kúrdelene túsýde», - dedi ol.

Kısıda Japonııa kúsh-jigerin ıadrolyq qarýsyz álem qurý jolyna jumsaıdy dep sendirdi.

Úkimet basshysynyń aıtýynsha, bul rette 2022 jyly usynylǵan «Hırosıma is-qımyl jospary» tujyrymdamasy negizge alynýy múmkin. Onda ıadrolyq qarýdy qoldanbaýdyń mańyzdylyǵy kórsetilgen. Tujyrymdamada sondaı-aq ıadrolyq qarýy bar memleketterden ıadrolyq materıaldardy óndirýdiń jaı-kúıi týraly aqparatty ashyp kórsetý talaby da bar.

AQSh Ekinshi dúnıejúzilik soǵystyń sońynda Japonııanyń tize búgip berilýin tezdetý maqsatynda Hırosıma men Nagasakıge atom bombalaryn tastady. Bul adamzat tarıhyndaǵy ıadrolyq qarýdy jaýyngerlik maqsatqa qoldanýdyń jalǵyz mysalyna aınaldy. Hırosımadaǵy bomba jarylǵan kezde ártúrli baǵalaýlar boıynsha 70-100 myń, Nagasakıde - 70 myńǵa jýyq adam qaza tapqan. Keıinnen radıatsııalyq aýrýdan, onkologııalyq aýrýlardan jáne basqa aýrýlardan qaıtys bolǵandardy qosa alǵanda qurban bolǵandardyń jalpy sany qazir 500 myńnan asty.

«Reseıdiń ıadrolyq qaýpi» bar degen batys elderiniń boljamdy málimdemelerin Máskeý birneshe ret joqqa shyǵardy. Reseı syrtqy ister mınıstrligi mundaı málimdemelerdi ekijúzdilik dep atady. RF syrtqy ister mınıstri Sergeı Lavrov Reseı prezıdenti Vladımır Pýtın Batys elderine qaraǵanda eshqashan ıadrolyq bombamen qorqytpaǵanyn basa aıtty.