Japonııa premeriniń áıelimen baılanysty janjal órshı tústi
ASTANA. QazAqparat - Japonııada osy eldiń premer-mınıstri Sındzo Abeniń aınalasynda sybaılas jemqorlyqpen baılanysty úlken janjal shyqty. Parlamentte tyńdaýda ulttyq mektep dırektory kóshbasshynyń áıelinen 1 mln ıen (9 myń dollarǵa jýyq) alǵanyn aıtty. Bul týraly Reuters-ke silteme jasap newsru.com habarlady.
ıAsýnorı Kagıoke ózine tıesili Moritomo Gakuen uıymy ókilderiniń memleketten naryqtyq baǵadan áldeqaıda arzanǵa jer ýchaskesin qalaı alǵanyn depýtattarǵa túsindirip berý úshin parlamentke shaqyryldy. Kóp jyldan beri patrıottyq balabaqshany basqaratyn Kagıoke ol jerge mektep salǵan. Ony premer Abeniń esimimen atap, onyń jubaıyna qurmetti dırektor ataǵyn bergen.
Tyńdaý barysynda Kagıoke 2015 jyly Sındzo Abeniń jubaıy Akıe oǵan aqsha berip jibergenin aıtty. «Bul men úshin úlken qurmet boldy, sondyqtan bul kóz aldymdaǵydaı esimde», - dedi ol.
Budan buryn premer onyń jubaıy mektepke aqsha berip jibermegenin, ózi de kúmándi mámilege bas suqpaǵanyn aıtqan.
