Japonııa premeri araǵa 38 jyl salyp Iranǵa barady
ASTANA. QazAqparat - Japonııa premeri Sındzo Abe 38 jylda alǵash ret japondyq bıznesmender jáne kompanııalardyń basshylary tobymen Iranǵa barady, dep jazady dúısenbi kúni japondyq «Nıkkeı» iskerlik gazeti.
Bul 1978 jyldyń qyrkúıeginde Japonııa premer-mınıstri Takeo Fýkýdanyń Iranǵa jasaǵan saparynan keıin Iranǵa birinshi barý. Iranǵa sapar tamyzdyń ekinshi jartysynda Kenııaǵa barýmen biriktirilýi múmkin, dep habarlaıdy basylym.
Qańtar aıynda Japonııa Iranǵa qarsy sanktsııalardy joıdy. Al aqpannyń basynda japondyq kompanııalar úshin Iran naryǵyna jol ashyp, olardyń ınvestıtsııalaryn Irannyń gaz jáne munaı shyǵarý salasyna yntalandyratyn ınvestıtsııalar týraly ekijaqty kelisimge qol qoıdy. Eki eldiń bankteri fılıaldar ashyp, sonymen birge eki eldiń qarjylyq ınstıtýttarynyń arasynda valıýta aıyrbastaý kelisimderin ornatý múmkindigin alyp otyr.
