Japonııa premer-mınıstriniń saltanatty sherýi San-Paýlýda JKO-ǵa ushyrady
ASTANA. QazAqparat - Japonııa prmer-mınıstri Sındzo Abeniń saltanatty sherýindegi birneshe mashına Brazılııanyń San-Paýlý qalasynda ótken túni apatqa ushyrady. Az degende, delegatsııanyń 12 múshesi jeńil jaraqattar aldy. Japonııa úkimeti basshysynyń ózi abyroı bolǵanda, din aman. Bul týraly Japonııanyń SІM habarlady, dep habarlaıdy ITAR-TASS.
Syrtqy saıasat vedomstvosynyń málimetteri boıynsha, atalǵan oqıǵa jyldamdyqty avtojolda premer-mınıstrdiń qonaq úıge resmı sharalardan qaıtyp kele jatqan kezinde bolǵan. Jalpy alǵanda úsh avtokólik soǵylǵan. Olardyń ishinde Japonııanyń SІM qyzmetkerleri kele jatqan. Barlyq zardap shekkender jaqyn mańdaǵy aýrýhanaǵa jetkizilip, premer-mınıstr qonaq úıge oıdaǵydaı oraldy.
Japonııanyń úkimet basshysy qazir Latyn Amerıkasy elderi boıynsha týrnesin aıaqtady. Onyń barysynda ol Meksıka, Trınıdad pen Tobago, Kolýmbııa, Chılı men Brazılııada boldy. Keshe ol Brazılııanyń prezıdenti Dılma Roýsseffpen kelissózder júrgizdi.
