Japonııa premer-mınıstri júrgizýshisiz júretin traktordy tanystyrdy
ASTANA. QazAqparat - Japonııa Premer-mınıstri Sındzo Abe jýyq arada aýylsharýashylyq jumystarynda paıdalanýǵa bolatyn júrgizýshisiz traktorlardy tanystyrdy, dep jazady TASS.
Jańa tehnıkanyń tusaýy Kıoto qalasynda jeksenbi kúni jumysyn bastaǵan Ǵylym jáne qoǵamdaǵy tehnologııalar halyqaralyq forýmynda kesildi.
Birneshe traktordyń qozǵalysy túsirilgen vıdeo týraly áńgimeleı kele: «Qarańyzshy, olar jaı úılesimmen ǵana júrip jatqan joq, tiri adamdar sekildi bir-birimen tildesip jatqandaı. Bolashaqta olar keń qoldanysqa beriledi», - dedi Abe.
Japon úkimetiniń basshysy ınnovatsııalar men jańa tehnologııalardyń damýy jekelegen elderdiń ǵana emes, búkil álemniń bolashaǵyn aıqyndaıdy. «Men barshamyz birige otyryp, álemdi jaqsartamyz dep senemin», - dedi ol.
Ejelgi japon astanasy Kıoto qalasynda jeksenbi kúni Ǵylym jáne qoǵamdaǵy tehnologııalar halyqaralyq forýmy bastaldy. Atalǵan bedeldi shara osymen 14-shi ret álemniń 150-den astam elinen kelgen bir jarym myńnan astam ǵalym men kásipkerdiń, sondaı-aq saıasat jáne qoǵam qaıratkerleriniń basyn qosyp otyr.
