Japonııa premer-mınıstri Reseımen aýmaqtyq daýdy sheshýde salmaqtylyq tanytý kerektigin aıtty
ASTANA. 23 aqpan. QazAqparat - Japonııa premer-mınıstri Naoto Kan Reseımen aýmaqtyq daýdy sheshýde tabandy da salmaqty bolýdy qoldaıtynyn aıtty.
Japon úkimeti basshysy bul ustanymyn búgin parlamentte bolǵan pikirtalasta jetkizdi, - dep jazady ITAR-TASS.
«Aýmaqtyq daýdyń Japonııa men Reseı qarym-qatynasynda uzaq tarıhy bar, sátti de, sátsiz de kezeńder boldy, - dedi Kan. - Meniń oıymsha, biz Máskeýmen dıalog júrgizgen kezde tabandylyq kórsetip, biraq ábigershilikke jol bermeýimiz tıis».
Sońǵy qoǵamdyq pikir saýalnamasynyń derekterine saı, Japonııa turǵyndarynyń 70 paıyzdan astamy el úkimetiniń Reseımen dıplomatııa baǵytyn ustanǵanyn qoldamaıdy.
