Japonııa polıtsııasy premer-mınıstr Kıshıdanyń tıisinshe qorǵalǵanyn teksermek
Osydan bir apta buryn Japonııanyń batysynda ótken saılaý naýqany aıasyndaǵy shara kezinde el premer-mınıstri Kıshıda Fýmıoǵa qaraı jarylǵysh zat laqtyrylǵan bolatyn. Bul – burynǵy premer-mınıstr Abe Sındzo atylǵannan keıin, bir jyl bolmaı jatyp, joǵary laýazymdy tulǵaǵa jasalǵan ekinshi shabýyl. Osy rette, polıtsııa qaýipsizdik sharalaryn muqııat pysyqtap shyqpaq. Aıta ketsek, Japonııa úkimetiniń burynǵy basshysy 2022 jylǵy 8 shildede qaıtys boldy. Abege jasalǵan shabýyldan keıin memlekettik polıtsııa basqarmasy VIP tulǵalardy qorǵaý jónindegi erejelerin jańartqan.
Japondyqtar arasynda bul jaǵdaıdyń saqshylar úshin sabaq bolǵany aıtylady. Óıtkeni, osy joly polıtseı jarylǵysh zatty lezde qaǵyp jiberip, Kıshıda balyqshylar portynan dereý evakýatsııalanǵan. Alaıda, kúdiktiniń shara ótetin jerge deıin jetýine jol berilýin synǵa alǵandar da bar. Qalaı bolǵanda da, polıtsııa atalǵan oqıǵadan keıin onyń sebepterin zertteýge kirisken.