Japonııa parlamenti ımperatordan bas tartý týraly zańdy qabyldady
ASTANA. QazAqparat - Japon parlamenti jumada 83 jastaǵy ımperator Akıhıto taǵynan bas tartýǵa múmkindik beretin zań qabyldady, dep habarlady Kyodo News.
Úsh jyl ishinde Akıhıto basqarý bıligin óziniń murageri hanzada Narýhıtoǵa bere alady. Bul 2019 jyldyń basynda bolady dep kútilýde.
Parlament ımperatorlyq úı týraly zańdy ózgertken joq jáne qazirgi memleket basshysyna qatysty qujatty ǵana qabyldady. Osy kúnge deıin Japonııada monarhtyń taǵynan bas tartýyna múmkindik bolmaǵan. Alaıda ótken jyly Akıhıto halyq aldynda óziniń egde jasyna jáne densaýlyq jaǵdaıyna baılanysty taǵynan bas tartqysy keletinin aıtqan bolatyn.
Taǵynan bas tartý oqıǵasy Japonııa úshin eki júz jyl ishindegi alǵashqysy. Sońǵy ret 1871 jyly bolǵan.
