Japonııa óziniń strategııalyq qoryndaǵy munaıdy sata bastady
ASTANA. KAZINFORM — Japonııa Taıaý Shyǵystaǵy ahýalǵa baılanysty óziniń strategııalyq munaı qorynyń bir bóligin naryqqa shyǵarýdy bastady, dep habarlaıdy Report.
Buǵan deıin Japonııa premer-mınıstri Sanae Takaıtı naryqqa 45 kúndik tutynýǵa teń munaı kólemin shyǵarýǵa nıetti ekenin málimdedi. Aldymen 15 kúnge jetkilikti jeke rezervter shyǵarylady. Naýryz aıynyń sońyna qaraı eldiń bir aılyq qajettiligin óteýge jetkilikti kólemdi satýdy bastaıdy dep josparlanǵan. Bul kólemdegi munaı kóterme satyp alýshylarǵa salystyrmaly túrde tómen baǵamen satylady.
Japonııanyń jalpy munaı qory memlekettik jáne jeke qorlardy qosqanda eldiń 254 kúndik qajettiligin óteıdi, bul shamamen 470 mln barreldi quraıdy.
Eske sala keteıik, 28 aqpanda AQSh pen Izraıl Iranǵa qarsy áskerı operatsııa bastady. Saldarynan Joǵarǵy Kóshbasshy Álı Hameneı men birneshe joǵary laýazymdy sheneýnik qaza tapty. Osydan keıin Iran tek Izraılde emes, sonymen qatar AQSh pen odaqtastarynyń áskerı bazalary ornalasqan elderde — Saýd Arabııasy, Katar, Birikken Arab Ámirlikteri, Oman, Bahreın, Irak jáne Kıprdegi nysandarǵa soqqy bere bastady.
