Japonııa óziniń munaı rezervin paıdalanýdy qarastyryp jatyr
NUR-SULTAN. QazAqparat – Japonııa úkimeti AQSh-tyń suraýy boıynsha óziniń munaı qoryn paıdalaný múmkindigin zerttep jatyr. Bul shıkizat baǵasynyń kúrt ósýin toqtatýǵa kómektesedi, dep habarlaıdy QazAqparat NHK agenttigine silteme jasap.
Qyrkúıektiń aıaǵynda úkimettiń eldiń ishinde 145 kúni qoldanýǵa jaraıtyn munaı qory bolǵan. Erejeler boıynsha bul qordy tek tapshylyq nemese tabıǵı apat kezinde paıdalanýǵa bolady. Olar ósken baǵany ustap qalý úshin paıdalanýǵa qarastyrylmaǵan.
Úkimettiń resmı ókilderiniń aıtýynsha, munaı qorlary quqyqtyq negizde ǵana naryqqa shyǵarylýy múmkin. Ol úshin munaı qorlaryn artyq dep qarastyrý kerek, sebebi sońǵy jyldary munaıǵa degen ishki suranys azaıyp otyrǵan.
Japonııa premer-mınıstri Kısıda Fýmıonyń ákimshiligi munaıdy naryqqa AQSh jáne Ońtústik Koreıamen kelisip shyǵarý múmkindigin zerttep jatyr. Alaıda onyń paıdasy shekteýli bolady. Sebebi olar usyna alatyn qor kólemi asa kóp emes.
Bul Japonııadaǵy munaı rezervin altynshy ret shyǵarý bolmaq. 2011 jyly olar jeke menshik sektory qorlarynan eki ret shyǵarylǵan – bir ret naýryzdaǵy tsýnamıden keıin, ekinshi ret maýsymda Lıvııadaǵy jaǵdaı shıelinskennen keıin.
