Japonııa ómir súrý uzaqtyǵy boıynsha álemde birinshi orynda keledi
ASTANA. QazAqparat -Búkilálemdik densaýlyq saqtaý uıymynyń zertteýi boıynsha, japon áıelderi ómir súrý uzaqtyǵy boıynsha Ispanııa, Shveıtsarııa jáne Sıngapýr elderinen ozyp, birinshi orynda tur, dep habarlady Newsland-qa silteme jasaǵan Day.Az.
Japondyq erler Shveıtsarııamen birge 8-orynǵa jaıǵasty. Japonııa 20 jyldan asa ýaqyt boıy birinshi orynda keledi. Ol jaqtyń erleri temekini kóp shekkesin ózge elder olardyń aldyn oraǵytyp ketetin shyǵar dep kútilgen bolatyn. Búkil álemdegi erte ólimniń sebebi - júrektiń ıshemııalyq aýrýy, tómengi tynys alý joldarynyń ınfektsııalary jáne ınsýlt. Qazirgi ýaqytta Japonııadaǵy ómir súrý uzaqtyǵy áıelder úshin - 87 jas, erler úshin - 80. Erler arasyndaǵy eń joǵary ortasha ómir súrý jasy Islandııada tirkelgen - 81,2 jas. Odan keıingi orynda - Shveıtsarııa men Avstralııa, sáıkesinshe 80,7 jáne 80,5. Japonııanyń aldynda sonymen birge, Izraıl, Sıngapýr, Jańa Zelandııa men Italııa ornalasqan. Jalpy, álemdik ortasha ómir súrý uzaqtyǵy erler úshin 68,1 jasty jáne áıelder úshin 72,7 jasty quraıdy. Afrıka elderinde Sazaranyń ońtústigine qaraı, Ortalyq Afrıka Respýblıkasy men Kongo Demokratııalyu Respýblıkasyndaǵy jaǵdaı múlde basqasha. Ol elderde erler men áıelder arasyndaǵy ortasha ómir súrý jasy burynǵysha 55-ten tómen.
