Japonııa Olımpıada komıtetiniń basshysyna aqsha jymqyrdy degen aıyp taǵyldy
ASTANA. QazAqparat - Frantsııa soty Japonııa Olımpıada komıtetiniń prezıdenti Tsýnekadzý Takedege jemqorlyq jasady degen aıyp taǵyp otyr. Bul týraly 11 qańtarda Le Monde frantsýz basylymy habarlady.
2018 jyldyń 10 jeltoqsanynda frantsýz quqyq qorǵaýshylary Takedeni tergegeni atalyp ótilgen. Komıtet basshysyna Japonııada 2020 jylǵy jazǵy Olımpıada oıyndaryn ótkizý quqyǵyn alý maqsatynda €1,8 mln para berdi degen aıyp taqqan.
Frantsııa quqyq qorǵaý organdary bul isti úsh jyldan beri tekserip jatyr.
Eske sala ketsek, XXXII Olımpıada oıyndary 2020 jyly Japonııa astanasynda ótedi. Tokıodaǵy Olımpıada jáne Paralımpıadada resmı tumar retinde kók jáne qyzǵylt tústi japon anıme stılindegi fıgýra tańdalyp alyndy.
