Japonııa Olımpıada komıteti 2030 jylǵy qysqy oıyndardy Sapporoda ótkizýge sheshim qabyldady
NUR-SULTAN. QazAqparat – Japonııanyń Olımpıada komıteti sársenbi kúni 2030 jylǵy qysqy oıyndardy ótkizýge berilgen eldiń soltústigindegi Sapporo qalasynyń ótinishin qabyldady, dep habarlaıdy QazAqparat Kyodo agenttigine silteme jasap.
Endi bul másele Halyqaralyq olımpıada komıtetimen (HOK) kelisiletin bolady.
Sapporo áýelide 2026 jylǵy Oıyndardy ótkizýge úmitker bolǵan, biraq jer silkinisinen keıin eki jyl buryn bul sheshim kúshin joıdy. HOK prezıdenti Tomas Bah budan buryn Sapporony 2030 jyly Olımpıada oıyndaryn ótkizýge úmitker retinde oń baǵasyn bergen edi. Sonymen qatar, Sapporo bıyl Jazǵy oıyndardyń júgirý marafonyn qabyldaıdy. Óıtkeni onda aýa raıy Tokıomen salystyrǵanda salqyndaý.
Aıta ketken jón, Sapporo qalasy 1972 jylǵy qysqy Olımpıada oıyndaryn ótkizgen.
