Japonııa ókimeti atom stansalaryna tsýnamıden keletin qaýipti jete baǵalamaǵan - MAGATE
ASTANA. 1 maýsym. QazAqparat - Japon ókimeti atom-elektr stansalaryna tsýnamıden keletin qaýip-qaterdi jete baǵalamaǵan.
Japonııada saparmen júrgen MAGATE mamandary osyndaı túıinge kelip otyr, dep habarlady Rosbalt agenttigi «RIA «Novostı» agenttigine silteme jasap.
«11 naýryzdaǵy joıqyn zilzaladan keıin bolǵan tsýnamıdiń keıbir nysandarǵa qatysty qaýip-qateri jete baǵalanbaǵan»,- dep atap kórsetedi MAGATE mamandary óz baıandamalarynda. Olardyń pikirinshe, «Fýkýsıma-1» stansasyndaǵy oqıǵa, atom stansalarynyń tótenshe jaǵdaılarǵa ún qatýdyń arnaýly «kúsheıtilgen» ortalyqtaryna muqtajdyǵyn kórsetip otyr.
Oǵan qosa, sarapshylar atom-elektr stansalarynyń táýekelderin laıyqty baǵalaýǵa jáne olardyń qaýipsizdigin joǵary deńgeıde qamtamasyz etýge shaqyrdy.
«ıAdrolyq stansalardy jobalaýshylar men operatorlar tabıǵı apat táýekelderinen qorǵanysty laıyqty baǵalap, qamtamasyz etýleri kerek», - delingen baıandamada.
Esterińizge sala keteıik, tabıǵat apatynan kelgen shyǵyndy el úkimeti 25 trıllıon ıenge baǵalap otyr (308 mıllıard dollar). Oǵan qosa, «Fýkýsıma» AES-ndegi apattan kelgen shyǵyn 11 trıllıon ıendi (133 mıllıard dollar) shamalaǵan.
