Japonııa ókimet oryndary 5 myń adamnyń qaza tapqandyǵyn qýattady
ASTANA. 14 naýryz. QazAqparat - Japonııa ókimet oryndary joıqyn jer silkinisi men odan keıingi bolǵan tsýnamı saldarynan 5 myń adamnyń qaza tapqandyǵyn qýattady. Alaıda bul sannyń artýy da múmkin ekendigin aıtý kerek, dep habarlaıdy RBK agenttigi.
Joǵaryda aıtylǵan tizimge búgin túnde máıitteri Mııagı jaǵalaýynda tabylǵan 2000 adam, sonymen qatar Sendaı qalasynda qaza tapqan 300 adam kiredi.
Bılik myńdaǵan adamdar iz-tússiz joǵalǵandar qatarynda ekendigin aıtýda. Mysalǵa Mınamısanırıký qalasynda sol jerde turatyn 9000 halyqtyń taǵdyry áli belgisiz.
Burynyraq kem degende osy qalada turatyn 1000 adamnyń opat bolǵandyǵy týraly aıtylǵan edi.
Tabıǵat apatynan zardap shekken barlyq aýdandarda qutqarý operatsııalary jalǵasyp jatyr. Japonııaǵa shet elderden kómek kelýde, Reseı, Frantsııa, AQSh, Ulybrıtanııa elderi óz qutqarýshylaryn jibergen. Qytaı, tipti Aýǵanstan eli kómek qolyn sozýǵa daıyn ekendikterin jetkizgen.
