Japonııa musylman týrıster úshin qulshylyq etý aımaqtaryn kóbeıtip jatyr
ASTANA. KAZINFORM — Japonııa musylman týrıster sanynyń kóbeıýine baılanysty áýejaı, vokzal jáne týrıstik ortalyqtarda namazhanalarǵa qoljetimdilikti arttyryp jatyr, dep habarlaıdy Kyodo.
Japonııa ulttyq týrıstik uıymynyń málimetinshe, ótken jyldyń qańtar-qarasha aılary aralyǵynda el Indonezııadan shamamen 560 myń, Malaızııadan 540 myń jáne Taıaý Shyǵystan shamamen 240 myń saıahatshyny qabyldady. Týrıster kóbine eldiń ashanasy, pop-mádenıeti jáne maýsymdyq landshafttaryna qyzyǵýshylyq tanytady.
Alaıda, keıbir saıahatshylar úshin namaz oqıtyn oryndardyń bolmaýy qıyndyq týǵyzǵan. Osyǵan baılanysty Japonııanyń týrıstik agenttigi qonaqúılerge, kólik toraptaryna jáne kommertsııalyq nysandarǵa, múmkindiginshe tynysh jáne taza oryndarda namazhana ashýdy usyndy.
Qazirdiń ózinde iri áýejaılar men qalalarda namaz oqýǵa arnalǵan bólmeler bar. Atap aıtqanda, osyndaı bir bólme Haneda áýejaıynyń halyqaralyq termınalynda 2014 jyly ashylyp, aıyna orta eseppen 2000 adam keledi. Mundaı oryndar Tokıo men Osakadaǵy JR stantsııalarynda, sondaı-aq Kıoto men Naranyń týrıstik aımaqtarynda ashyldy.
Degenmen, keıbir aımaqtarda, sonyń ishinde Sıkoký men Kıýsıýde mundaı nysandardyń sany áli de az, óıtkeni munda týrıster az.
Sarapshylar qarapaıym sharalar musylman týrısterdiń jaılylyǵyn aıtarlyqtaı jaqsartyp, Japonııanyń tartymdy týrıstik baǵyt retinde ımıdjin qalyptastyrýǵa kómektesetinin atap ótti.
Byltyr qazan aıynda sońǵy eki jyldan keıin júzdegen Gaza turǵyny qıraǵan meshitte juma namaz oqydy.