Japonııa men Mońǵolııa erkin saýda jónindegi kelisimge qol qoıady
ASTANA. QazAqparat - Japonııa men Mońǵolııanyń úkimet basshylary 10 aqpanda Tokıoda erkin saýda jónindegi kelisimge qol qoıady, dep habarlady Kyodo News.
Munda Japonııanyń premer-mınıstri Sındzo Abe men Mońǵolııanyń úkimet basshysy Ch.Saıhanbıleg kelissóz júrgizip, ekijaqty ekonomıkalyq baılanystyń ary qaraı damýyn talqylamaq. Nátıjesinde erkin saýdanyń ortaq aımaǵyn qurý týraly kelisimge qol qoıylady dep kútilýde.
Japonııa bıligi mońǵolııalyq tarapqa Ulan Batorda jańa halyqaralyq áýejaıdyń qurylysyna 310 mln. dollar kóleminde nesıe berýdi josparlap otyr.
Kezdesý barysynda japondyq tarap Mońǵolııaǵa ekonomıkalyq sarapshylardy jibermek. Búginde mońǵolııalyq ekonomıka birqatar qıyndyqtarǵa tap bolyp otyr.
Ótken jyldyń shilde aıynda Japonııa men Mońǵolııa saýda-ekonomıkalyq yntymaqtastyq aıasynda birqatar kelissózge qol jetkizdi. Tokıo erkin saýda boıynsha Ulan Batordyń alǵashqy seriktesi bolmaq.
Kelisim talaptaryna sáıkes, Mońǵolııa aldaǵy 10 jylda Japonııadan ákelinetin kóptegen avtomobıl men onyń bólshekterine degen tarıften bas tartady. Al Tokıo Mońǵolııadan ımporttalatyn barlyq derlik taýarǵa kedendik rejimdi jeńildetedi.
