Japonııa men Qazaqstan Joldaýdyń keıbir tarmaqtaryn birge iske asyra alady - Keı Karasava

ASTANA. QazAqparat - 2018 jylǵy qazandaǵy Prezıdent Nursultan Nazarbaevtyń Qazaqstan halqyna Joldaýy eldiń áleýmettik-ekonomıkalyq damýy úshin úlken mańyzǵa ıe. Sondaı-aq ol jahandyq júıe men halyqtyń ál-aýqaty kóptegen qıyndyqtar men qaqtyǵystarǵa ushyraǵan qazirgi kezde erekshe mańyzdy. Mundaı pikirdi Tokıonyń Halyqaralyq zertteýler ınstıtýtynyń dekany, «Ritsumeikan» ýnıversıtetiniń qurmetti professory, doktor Keı Karasava bildirdi, dep habarlaıdy QazAqparat.

«Joldaý Qazaqstannyń qarqyndy damýyna negizdelgen qazaqstandyqtardyń ál-aýqatynyń artýyna: tabys pen ómir sapasyn joǵarylatýǵa baǵyttalǵan. Prezıdent atap ótkendeı, Qazaqstan 20 jyl ishinde qurylymdyq, konstıtýtsııalyq jáne saıası salalarda sapaly jáne tarıhı mańyzdy reformalardy júzege asyrýǵa qol jetkizdi. Qazaqstan ishki jáne syrtqy jaǵdaılardyń ózgerýine qarsy turý úshin jáne odan ári damýy men órkendeýi úshin áleýmettik-ekonomıkalyq júıeni jáne ómir saltyn reformalaýǵa talpynǵany joǵary baǵalanady. Sondyqtan qazaqstandyq azamattardyń ál-aýqatyn jaqsartý, ómir súrý sapasy men tabystyń artýy sııaqty birqatar kúrdeli mindetterdi qoıý týraly Prezıdenttiń sheshimi jaqsy bolyp tabylady», - deıdi professor.

Keı Karasava sondaı-aq Elbasynyń eldi jańǵyrtý úshin tıisti saıası bastamalardy usynǵanyn erekshe atap ótti.

«Joldaýda aıtylǵandaı, qarqyndy ózgerip jatqan jahandyq jaǵdaılardy moıyndaı otyryp, Prezıdent N.Nazarbaev azamattarǵa baǵyttalǵan memlekettik qyzmet pen tıimdi syrtqy saıasat sııaqty birqatar saıası bastamalardy júzege asyrady. Jahandyq qaýipsizdik júıesiniń negizderi jáne halyqaralyq saýda erejeleri qatty shaıqalýda. AQSh, Qytaı jáne Reseı sııaqty iri memleketterdiń arasyndaǵy saıası-ekonomıkalyq qaıshylyqtar men qaqtyǵystar, mıgratsııalyq máseleler, sondaı-aq Taıaý Shyǵys shıelenisine  baılanysty Eýropadaǵy saıası ahýaldyń kúsheıýi jahandyq júıeniń irgetasyn buzýdyń negizgi faktorlary retinde álemdik beıbitshilik pen qaýipsizdikke qaýip tóndirýde. Osyǵan oraı, halyqaralyq qaýymdastyq erkin saýda men jahandyq deńgeıde ashyq ekonomıkalyq júıeni qorǵaýǵa, sondaı-aq halyqaralyq yntymaqtastyqtyń buzylýy men joıylýyna jol bermeýi tıis», - dedi ol.

Halyqaralyq sarapshy atap ótkendeı, Japonııa men Qazaqstan ortaq múddeler men ustanymdardy bólise otyryp, ǵalamdyq turaqtylyq úshin yntymaqtastyqtyń álemdik jelisin buzýǵa qarsy birlesip áreket etýde. Eki el kóptegen birlesken bastamalardy memlekettiń ishinde júzege asyrýǵa bolatyn erekshe ustanymda tur.

Japonııa Prezıdent N.Nazarbaev usynǵan Joldaýdyń keıbir tarmaqtaryn sátti júzege asyrý úshin Qazaqstanmen syndarly yntymaqtastyqty ornata alady. Japonııa Qazaqstanǵa medıtsınalyq, densaýlyq saqtaý jáne basqa da halyqqa qamqorlyq kórsetý, ekologııalyq, ǵylymı, tehnologııalyq jáne bilim berý salasynda, sondaı-aq ekonomıkalyq,  ónerkásiptik yntymaqtastyq salasynda jasandy ıntellekt, zattar ınterneti jáne basqa da ınfokommýnıkatsııalyq qyzmetter sııaqty salalarda naqty yntymaqtastyqty usyna alady.

Japonııanyń ekonomıkalyq mindettemesi men Qazaqstanǵa salynǵan  qarjy ınvestıtsııalary suranys ósip kele jatqan ýaqytta jetkiliksiz deńgeıde qalyp otyr. Degenmen, Japonııanyń iri bıznes jáne jeke sektorlary Ortalyq Azııaǵa óz kózqarastaryn ózgerttip keledi, bul ahýaldyń jahandyq ózgerisin kórsetedi. ıAǵnı, Japonııanyń bıznes sektory N.Nazarbaevtyń bastamasymen iske asyrylyp kele jatqan «Uly Eýrazııa Tujyrymdamasyna» túbegeıli kózqaras alýyna yntalandyryldy.

Osy maqsatqa jetý úshin japon kapıtalyn, daǵdylaryn jáne bilimin engizý arqyly Qazaqstandaǵy jaǵdaıdy jaqsartý suralady», - dep túıindedi professor Keı Karasava.