Japonııa Marsqa shaǵyn zertteý apparatyn jibergeli jatyr
ASTANA. QazAqparat - Japondyqtar Marsty zertteý úshin 2020 jylǵa qaraı kishigirim jáne arzan apparat jasaýdy kózdep otyr. Onyń salmaǵy bar bolǵany 140 keli bolmaq.
Bul aldyńǵy qurylǵylardan on ese jeńil, dep habarlaıdy TASS agenttigi Yomiuri basylymyna silteme jasap. Mundaı apparattyń quny da arzan, nebári 1-2 mlrd ıendi (shamamen 8,5 - $17 mln) quraıdy.
Ázirge AQSh, Reseı, Birikken Arab Ámirlikteri 2020 jylǵa qaraı Marsqa salmaǵy aýyr zertteý apparattaryn jiberýge nıettenip otyr. Bul zondtardyń birine japondyq kishkentaı apparatty qondyrý josparlanǵan. Mars orbıtasyna shyqqan soń ol bólinip, planetaǵa jeke ózi qonatyn bolady.
