Japonııa Qytaımen talas araldardy satyp almaqqa árekettenip jatyr
ASTANA. 9 shilde. QazAqparat - Japon úkimeti Beıjińmen talas Senkaký araldarynyń bir bóligin satyp almaqshy. Qazir bul jerler jeke tulǵaǵa tıesili eken.
Ol úshin qarajatty Tokıo halqy bólgen. Bılik 13 mıllıonǵa jýyq dollardy bir aıdyń ishinde jınaǵan. Bul eldiń qarapaıym turǵyndarynyń osy úrdiske, degen qyzyǵýshylyǵynyń mol ekeniniń dáleli.
Senkaký araldarynyń biri qazir resmı túrde Japonııa quramynda. Al, qalǵan tórteýi jeke tulǵaǵa tıesili. Alaıda, Qytaı istiń mundaı jaıymen keliser emes. Olardyń pikirinshe, Dıaoıýıdao araldary Qytaı aýmaǵyna jatady. Jáne, japondyqtardyń olarǵa qatysty qandaı da bir áreketteri zańsyz. Qytaı men Japonııa arasyndaǵy bul terrıtorııalyq daý burynnan beri jalǵasyp keledi, dep habarlaıdy «Qazaqstan» telearnasy.
