Japonııa KSRO-daǵy 300 myńǵa jýyq áskerı tutqyny týraly jańa derekter aldy
ASTANA. QazAqparat - Japonııa úkimeti RF Memlekettik muraǵatynda saqtalǵan qujattardan eldiń 300 myńǵa jýyq áskerı tutqyny týraly buǵan deıin belgisiz bolǵan derekter aldy. Bul týraly «Iomıýrı» gazeti jazdy.
Basylymnyń málimetterinshe, muraǵatta Ekinshi dúnıejúzilik soǵys kezinde Sahalın men Kýrıl araldarynda tutqynǵa alynǵan 286 655 japondyq azamattyń oryn aýystyrýy týraly málimetter saqtalǵan. 1069 adamnyń Japonııa orala almaǵany atap ótiledi. «Olar májbúrleý jumystaryna jegilip, nemese kúsh qurylymdarynyń qolyna túsken».
Osy ýaqytqa deıin japondyq tarap bul qujattardyń bar bolǵanyn bilmegen, olardyń qupııalylyq grıfi tek 2012 jyly alynǵan.
Japonııanyń tize búgýinen keıin 1945 jyldyń 2 qyrkúıeginde bir mıllıonnan astam japondyq azamatty Qyzyl armııa tutqynǵa alyp, lagerlerge jiberdi. Japonııanyń Densaýlyq saqtaý, eńbek jáne ál-aýqat mınıstrliginiń málimetterinshe, sonyń ishinde shamamen 730 myń adam keıinnen Japonııaǵa qaıtarylǵan, dep habarlaıdy TASS. 
