Japonııa koronavırýske qarsy vaktsınany synaqtan ótkizýde
TOKIO. QazAqparat - Japon ǵalymdary koronavırýske qarsy vaktsınany klınıkalyq synaqtan ótkizip jatyr, dep habarlaıdy QazAqparat Japonııanyń NHK telearnasyna silteme jasap.
Osaka prefektýrasynyń densaýlyq saqtaý organdary jergilikti ýnıversıtettermen birlese otyryp, COVID-19 vırýsyna qarsy vaktsınany daıyndaýda. Janýarlarǵa synama testter jasaldy
Osaka gýbernatory Ioshımýra Hırofýmı klınıkalyq synaqtan ótkizý sharalarynyń birinshi kezeńinde densaýlyq saqtaý salasynyń 20-30 qyzmetkerine ekpe jasalatynyn málim etti. Prefektýra basshysynyń aıtýynsha, vırýsqa qarsy dári-dármek pen vaktsınany jasap shyǵarý óte mańyzdy. Osaka bul maqsatqa birinshi qadam jasap otyr.
Vaktsına qaýipsiz bolyp tanylǵanda, Osaka prefektýrasynyń úkimeti aǵymdaǵy jyldyń qazan aıynda synaý jumystaryna taǵy birneshe júzdegen adamdy qatystyrmaq.
Vaktsınany ázirleý oń nátıjesin berse, Japonııa 2020 jyldyń sońyna qaraı 200 myńǵa deıin doza daıyndap, qadaǵalaý organdarynyń kelesi jylǵa ruqsatyn alýdy josparlap otyr.
Qazirgi kezde Japonııanyń 17 600-den astam azamatynda koronavırýs rastalyp, indetten kóz jumǵandar sany 930 adamnan asty.
