Japonııa koronavırýs saldarynan Qytaı azamattaryna berilgen 2,8 mln vızanyń kúshin joıady
TOKIO. Kyodo- QazAqparat – Japonııa bıligi Qytaı azamattaryna koronavırýstyń taralýyna qarsy kúres júrgizý sharalary aıasynda bergen 2,8 mln-ǵa jýyq vızanyń kúshin joıady. Bul týraly juma kúni Kyodo agenttigi habarlady.
Másele qurlyqtyq Qytaı, Gonkong jáne Makao turǵyndaryna qatysty bolyp otyr. Budan basqa, Japonııaǵa kirý vızalarynan Ońtústik Koreıanyń 17 myńǵa jýyq turǵyny aıyrylady. Sharalar 9 naýryzdan bastap kúshine enedi.
Qazirgi kezde Japonııada koronavırýsqa shaldyqqan adamdardyń sany 1 myńnan asqan, sonyń ishinde 12 adam kóz jumdy. Іndetti juqtyrǵandardyń arasynda kóbi (696 adam) - Diamond Princess krýızdik laınerdiń jolaýshylary men músheleri.
