Japonııa kornavırýspen kúreske 265 mlrd dollar bólmek

TOKIO. Kyodo-QazAqparat –Japonııa úkimeti koronavırýstyń el ekonomıkasyna áserin jeńildetý baǵytyndaǵy keshendi sharalarǵa 30 trıllıon ıen (265 mıllıard dollar) jumsaýdy josparlap otyr, dep habarlaıdy QazAqparat Kyodo agenttigine silteme jasap.

Derekózderdiń aıtýynsha, yntalandyrý paketi 18 jasqa tolmaǵan barlyq balalarǵa arnalǵan 100 000 ıen qolma-qol aqshany jáne ishki týrızmdi damytý úshin Go To Travel sýbsıdııalaý baǵdarlamasyn jańartýdy qamtıdy.

Premer-mınıstr Fýmıo Kıshıda buǵan deıin pakettiń mólsheri «birneshe ondaǵan trıllıon ıendi» quraıtynyn málimdegen edi.

Úkimet bul sharalarǵa 2020 fıskaldyq bıýdjetten qalǵan qarajatty jaratpaq. Sondaı-aq kez kelgen tapshylyqty jabý úshin jańa oblıgatsııalar shyǵarýdy josparlap otyr.

Olardyń aıtýynsha, úkimet sáıkesinshe kelesi jyldyń naýryzyna deıin aǵymdaǵy qarjy jylyna arnalǵan qosymsha bıýdjetti ázirlep, ony jeltoqsannyń sońyna qaraı bekitý úshin parlamentke usynady.

Sonymen birge pakettiń bir bóligi bir ýaqytta jasalatyn 2022 qarjy jylynyń bastapqy bıýdjetimen jabylady.