Japonııa Qorǵanys mınıstrliginiń 5 mln. dollarlyq sý asty roboty joǵalyp ketti
ASTANA. QazAqparat - Japonııanyń Qorǵanys mınıstrligi quny 5 mln. dollar turatyn súńgýir robottyń joǵalǵanyn rastady.
Súńgýir apparatymen baılanys 2013 jyldyń qarasha aıynda úzilgen bolatyn. Japonııanyń Teńiz qorǵanys kúshteriniń málimetinshe, robot teńizdiń ústindegi kememen baılanystyryp turǵan kabeldiń úzilý saldarynan joǵalyp ketken. 9 kún boıy izdegen súńgýirler joǵalǵan robotty taba almady. Salmaǵy 5 tonnalyq apparat Sangar buǵazynyń túbindegi sý men bederdiń temperatýrasy týraly aqparat jınaýmen aınalysqan. Robot «Nıtınan» barlaý kemesi arqyly baqylanyp otyrǵan. Jalpy, mundaı sý asty jeke apparattary kóp elderde sheteldik súńgýir qaıyqtarynyń jaqyndaǵanyn anyqtaý úshin qoldanylady. Sondaı-aq robot qaıyqtardy sý astyndaǵy jarylǵysh zattardy izdeý jáne áskerı-teńiz kúshterin qadaǵalap otyrý maqsatynda paıdalanylady, dep habarlaıdy ITAR-TASS.
