Japonııa kıtterdi aýlaýdy toqtatpaıtyndyǵyn málimdedi
ASTANA. QazAqparat - Japonııa úkimeti kıtterdi aýlaý boıynsha Halyqaralyq komıssııadan shyǵý sheshimin qabyldady. Tıisti qaýly seısenbi kúni Japonııa mınıstrler kabınetiniń otyrysynda bekitildi, dep habarlady sársenbide Kyodo aqparattyq agenttigi.
Tokıo bul týraly komıssııaǵa 1 qańtarǵa deıin eskertýge mindetti, sonda ǵana Japonııa uıymnan resmı túrde 2019 jyldyń 30 maýsymynda shyǵa alady.
Kyodo-nyń málimetinshe, Japonııa endi kıtterdi aımaq elderimen janjal shyǵý qaýpi bar Antarktıka sýlarynda emes, tek óziniń arnaıy ekonomıkalyq aımaǵynda ǵana aýlaıtyn bolady.
2014 jyly Gaagadaǵy BUU Halyqaralyq soty Tokıodan kıt aýlaý baǵdarlamasyn toqtatýdy talap etken. Buǵan muhıt araldary eliniń kıt aýlaý isin ǵylymı emes, kommertsııalyq maqsatta júrgizgeni sebep bolǵan. Japonııa úkimeti jaýap retinde aýlaıtyn kıtterdiń sanyn úshten eki ese qysqartatynyn, biraq bul kásipti jalǵastyratynyn málimdedi. Kıtterdi aýlaý boıynsha Halyqaralyq komıssııa bul jobany qabyldamaǵan soń Tokıo oǵan jaýap retinde uıymnan shyǵýy múmkin ekendigin eskertken.
