Japonııa kelesi aıdan bastap Olımpıada sportshylary úshin shekarany ashýy múmkin

TOKIO. Kyodo News – Koronavırýsqa baılanysty Japonııaǵa kirýge tyıym salynǵan sportshylar úshin tótenshe jaǵdaı toqtatylǵan soń, ıaǵnı naýryzda elge kelýge ruqsat berilýi múmkin. Bul týraly QazAqparat Kyodo News aqparattyq agenttigine silteme jasap habarlaıdy.

Vırýstyń taralýyna jol bermeý úshin jarııalanǵan tótenshe jaǵdaı 7 naýryzda toqtatylýy tıis.

Máseleniń ekiushty ekenin esepke alǵan el úkimeti sheteldik sportshylarǵa arnaıy kirý ruqsatyn berip, olardy Japonııaǵa kelgen soń eki aptalyq karantınge ornalastyrýǵa májbúrleıtin talaptardy jeńildetýi múmkin.

Degenmen, sportshylarǵa qonaqúıleriniń syrtynda jáne jarystar ótkizý oryndarynda qaýipti áreketterden bas tartý usynylyp, qoǵamdyq kólikti paıdalanýǵa tyıym salynady.

Tokıodaǵy Olımpıada oıyndary bıylǵy jyldyń 23 shildesinde ashylýy tıis.