Japonııa Qazaqstannan jylqy etin alýǵa qyzyǵýshylyq tanytty

NUR-SULTAN. QazAqparat - Halyqaralyq epızootııalyq bıýro Bas assambleıasy barysynda QR Aýyl sharýashylyǵy vıtse-mınıstri Gúlmıra Isaevanyń tóraǵalyǵymen qazaqstandyq delegatsııa japonııalyq áriptesterimen kezdesti, dep habarlaıdy QazAqparat tilshisi.

Atalǵan vedmostvo barysynda Japonııa delegatsııasyn Aýyl sharýashylyǵy, orman jáne balyq sharýashylyǵy mınıstrliginiń ókili, azyq-túlik qaýipsizdigi jáne tutynýshylardyń quqyqtaryn qorǵaý departamentiniń basshysy Norıo Kýmagaı basqarǵan.

Esterińizge sala keteıik, buǵan deıin eki eldiń de bıznes ókilderi Qazaqstan Respýblıkasynyń Aýyl sharýashylyǵy mınıstrligine Qazaqstannan Japonııaǵa jylqy etin eksporttaý jónindegi japon veterınarlyq qyzmetimen kelissózder júrgizýdi suraǵan bolatyn. Qazaqstandyq veterınarlyq qyzmet qajetti materıaldardy daıyndap, japondyq áriptesterine jibergen.

Japon tarapy Qazaqstannan Japonııaǵa eksporttaý úshin jylqy etiniń veterınarııalyq sertıfıkaty standartynyń tıimdiligin baǵalaý úshin saýalnama alýdy rastady. Veterınarlyq qyzmet veterınarııalyq sertıfıkattyń jobasyn aldyn ala maquldady.

Degenmen, japon zańyna sáıkes, Qazaqstan týraly aqparat Japonııanyń Eńbek jáne densaýlyq saqtaý mınıstrligi tarapynan qarastyrylady. Memlekettik organnan oń qorytyndy alǵannan keıin japondyq tarap veterınarlyq sertıfıkatpen kelisýge daıyn.