Japonııa Qazaqstanmen aeroǵarysh salasynda yntymaqtasýǵa nıetti

ASTANA. QazAqparat - 31 qańtar kúni Qazaqstanyń Japonııadaǵy Elshisi Erlan Baýdarbek-Qojataev Japonııanyń aeroǵaryshtyq zertteýler agenttiginiń (JAZA) tóraǵasy Naokı Okýmýramen kezdesti, dep habarlaıdy QazAqparat QR SІM-ge silteme jasap.

E. Baýdarbek-Qojataev Qazaqstannyń kosmostyq jobalarynyń iske asyrylýy jaıynda aıtyp berdi.

N. Okýmýra eki el yntymaqtastyqtyń qalyptasý kezeńinen sátti ótkendigin jáne Qazaqstan Ulttyq aeroǵarysh agenttigi men JAZA arasyndaǵy ózara yntymaqtastyq jańa sapaly deńgeıge shyqqandyǵyn atap ótti.

Taraptar 2010 jyly  qańtarda QR Ulttyq aeroǵarysh agenttigi men JAZA  arasynda qol qoıylǵan Ǵarysh keńistigin beıbit maqsattarda zertteý jáne paıdalaný salasyndaǵy yntymaqtastyq týraly kelisimdi odan ári iske asyrýdyń mańyzdylyǵy týraly aıtty.

JAZA ókilderi Prezıdent Nursultan Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Qazaqstan halqyna arnalǵan Joldaýynyń negizgi basymdyqtarymen jáne Qazaqstandaǵy ınnovatsııalyq tehnologııalardyń engizilýimen tanystyryldy.

Buǵan qosa, Elshi N. Okýmýrany 2018 jylǵy 23-26 mamyrda Astanada ótetin «KADEX - 2018» halyqaralyq kórmesine shaqyrdy.

JAZA  tóraǵasy Qazaqstannyń Halyqaralyq ǵarysh stantsııasynda jumys isteıtin japondyq ǵaryshkerlerdiń ushyp ketý men qaýipsiz qoný orny bolyp tabylatyndyǵyn rızashylyqpen atap ótti. Onyń aıtýynsha, qazirgi ýaqytta japon halqy ózderiniń kezekti ǵaryshkeri Norısıge Kanaıdyń osy jyly maýsymda Qazaqstan jerine qaıtyp kelýin kútýde.