Japonııa Qazaqstanǵa 13 jylda 5,8 mlrd dollar ınvestıtsııa quıǵan
QR Ulttyq Bankiniń málimetine sáıkes, 2005 jyldan 2018 jylǵa deıingi kezeńde japon ınvestıtsııalarynyń jalpy aǵyny 5,8 mlrd. AQSh dollaryn qurady. Al 2018 jyly Japonııadan kelgen ınvestıtsııalardyń jalpy aǵyny $ 403 mln qurady. 2018 jyly elder arasyndaǵy taýar aınalymy 2 mıllıard dollarǵa jetti, onyń ishinde eksport - 1,5 mıllıard, ımport - 497 mıllıon dollar.
Búginde qazaqstan-japon qatynastary ózara tıimdi yntymaqtastyqtyń arqasynda aıtarlyqtaı nátıjege qol jetkizdi. Qazaqstanda japondyq kapıtaldyń qatysýymen 70-ten astam kásiporyn jumys isteıdi. Saýda-ekonomıkalyq yntymaqtastyq boıynsha Úkimetaralyq komıssııa jáne Іskerlik keńes jumys isteıdi. Eki el arasyeda ınvestıtsııalardy kótermeleý jáne ózara qorǵaý týraly kelisim bar.
Japondyq ınvestorlardyń qatysýymen hımııa ónerkásibi, mashına jasaý, ınfraqurylym, agroónerkásiptik keshen jáne ken-metallýrgııa salalarynda birqatar jobalar júzege asyrylýda. Mysaly, Almaty oblysyndaǵy «Mareven Food» japondyq kompanııasy daıyndalǵan azyq-túlik pen jartylaı fabrıkattardy shyǵaratyn zaýytty iske qosty. Jobanyń quny shamamen 50 mıllıon AQSh dollaryn qurady, shamamen 600 jumys orny ashyldy. Bul zaýyt azyq-túlik pen jartylaı fabrıkattarynyń keń assortımentin otandyq óndirýshiden usynady. Bul degenimiz Qazaqstannyń ishki naryǵyn ǵana emes, sondaı-aq EAEO, Qytaı, Ózbekstan jáne Mońǵolııany ónimdermen qamtamasyz etýdi bildiredi.
Almaty qalasynda bolat kabelderdi óndirý boıynsha álemdik kóshbasshy - «Tokio Rope» kompanııasy ınjenerlik qorǵaý júıelerin óndirý zaýytyn salǵan. Zaýyttyń óndiristik qýaty jylyna 17 myń tonnadan astam bolat ónimderin quraıdy.
Jambyl oblysynda japondyq Cokey Systems kompanııasynyń qatysýymen mııa tamyryn tereń óńdeý zaýyty paıdalanýǵa berildi.
Aıta keteıik, mııa tamyrynda glıkırrızıtsın qyshqyly bar. Ol taǵamdyq táttilendirýshi jáne preparat retinde qoldanylady.
Kólik salasyndaǵy álemdik kóshbasshy - NYK Group japondyq kompanııasy Almatyda avtokólikterdi óńdeý úshin logıstıkalyq termınal salǵan. Negizgi qyzmet - termınalmen jumys isteıtin avtokólikterdi tasymaldaý jáne dılerlerge tasymaldaý. Qazirgi ýaqytta ınvestor Nýr-Sýltan qalasynda uqsas termınal qurylysyn aıaqtap jatyr.
Biz munaı-hımııa, ınfraqurylym, farmatsevtıka, energetıka, aqparattyq tehnologııalar jáne ınnovatsııa sekildi salalarda Japonııamen ózara tıimdi yntymaqtastyqtyń keleshegi men bolashaǵyn kórip otyrmyz. Qazirgi ýaqytta QR SІM Investıtsııa komıteti Qazaqstan Respýblıkasynyń Japonııadaǵy Elshiligimen jáne «Qazaq Invest» AQ-men birlesip shamamen 20 jobany pysyqtap jatyr.
