Japonııa Qazaqstanda iri ınvestor elderdiń ondyǵyna kiredi — Murat Nurtileý
ASTANA. KAZINFORM — Elimizge Japonııadan 9 mlrd dollar ınvestıtsııa tartyldy. Bul týraly Qazaqstan Respýblıkasy Premer-mınıstriniń orynbasary — Syrtqy ister mınıstri Murat Nurtileý málim etti.
— Japonııadan elimizge 9 mlrd dollar tikeleı ınvestıtsııa tartyldy. Qazir Qazaqstanda «Mitsubishi», «Sumitomo», «Marubeni», «Mitsui» sııaqty álemge áıgili korporotsııalar bastaǵan japon bıznesi tabysty jumys istep jatyr. Bizdiń naryqqa kirýge nıetti japon kompanııalary úshin elimizde barynsha qolaıly jaǵdaı jasalǵan. «Ekonomıkalyq derjava» retinde tanylǵan Kúnshyǵys eli Qazaqstannyń iri ınvestorlardyń ondyǵyna kiredi, — dedi Murat Nurtileý BAQ aldynda málimdeme jasap.
Sondaı-aq Syrty ister mınıstri Qazaqstan men Japonııa arasyndaǵy taýar aınalym kólemin ulǵaıtýǵa barlyq múmkindik baryn málim etti.
— Biz úshin Japonııa metallýrgııa jáne munaı-hımııa ónimderiniń dástúrli naryǵy. Al búgingi basqosýda galıı, marganets sýlfaty sııaqty birqatar tústi metaldy eksporttaý boıynsha uzaq merzimdi kelisim jasaý týraly ortaq perspektıva talqylandy, — deıdi ol.
Aıta keteıik, búgin Astanaǵa alǵash resmı saparmen Japonııa Syrtqy ister mınıstri Takeshı Ivaıa keldi. Kezdesý barysynda ekijaqty qarym-qatynasty jańa deńgeıge kóterý jolyndaǵy máseleler talqylandy.