Japonııa qarýly kúshteri 7,5 myń aýrý shoshqany joıýǵa kiristi
TOKIO. QazAqparat - Japonııa qarýly kúshteriniń bólimsheleri eldiń negizgi araly Honsıý ortalyǵyndaǵy Sekı qalasyna jiberildi. Olarǵa shamamen 7,5 myń shoshqany joıýǵa buıryq berilgen, dep habarlaıdy QazAqparat Kyodo agenttigine silteme jasap.
Bul elde beleń alǵan shoshqa tyrysqaǵynyń taralýyna tosqaýyl qoıý sharalarynyń biri.
Agenttik taratqan habarlarǵa qaraǵanda, Gıfý prefektýrasyna osymen altynshy ret indet tarap otyr. Osyǵan baılanysty Japonııa premer-mınıstriniń keńsesinde daǵdarys shtaby quryldy.
Eske sala keteıik, 1992 jyly eldiń ońtústik-batysyndaǵy Kýmamoto prefektýrasynda el tarıhyndaǵy eń aýqymdy indet taraǵan bolatyn. 2007 jyly shoshqa tyrysqaǵynyń túbirimen joıylǵany týraly jarııalanǵan.
Aıta keteıik, tyrysqaqtyń osy túri shoshqalar men qabandar úshin qater tóndiredi, biraq adam úshin qaýipti emes.
