Japonııa qart baqtashylar men dıhandardyń jumysyn robottarǵa istetpekshi
ASTANA. QazAqparat - Japonııada qartaıyp ketken nemese zeınetkerlikke shyǵatyn sharýalardy birtindep robottarmen, qashyqtan basqarylatyn aýylsharýashylyq tehnıkasy jáne avtomattandyrylǵan keshenderge aýystyratyn memlekettik baǵdarlama iske qosyldy.
Aýylsharýashylyǵy salasyndaǵy qyzmetkerlerdiń ortasha jasynyń ulǵaıýy elde azyq-túlik taýaryn óndirýge qaýip tóndiredi. Damyǵan elderde azyq-túlik ónimderin jasaıtyn mamandardyń ortasha jasy 60-tan asyp ketken.
Japonııa avtonomdyq fermalardy qoldaýǵa 36 mln dollar qarjy jumsaýdy josparlap, ol qarjy sharýashylyqtarǵa qajetti robottardyń 20 túrin jasaýǵa jetedi.
Japonııada sharýa adamnyń ortasha jasy - 67 jas. Sońǵy birneshe jylda óńdeletin egistik aýmaǵy eki esege azaıyp ketti. Aýylsharýashylyǵy kásibi jastardy qyzyqtyrmaıdy, bul Japonııany shet elden jetkiziletin azyq-túlikke táýeldi etip otyr.
Aldaǵy ýaqytta sharýalarǵa kúrish alqaptaryna arnalǵan avtonomdyq basqarylatyn traktorlar beriledi, ári aǵashtar basyndaǵy jemisterdi jınaýǵa yńǵaıly arnaıy ekzoqańqalar usynylady.
