Japonııa ımperatorynyń taqtan túsetin kúni belgili boldy
ASTANA. QazAqparat - Japonııa ımperatory Akıhıto 2016 jyly 8 tamyzda taǵynan bas tartqany týraly beıneni jazbany jarııa etedi, dep habarlady NHK Japonııa ımperatorlyq saraıynyń basqarmasyna silteme jasap.
Imperator jaqyndaryna taqtan bas tartatyny týraly aıtqanyn atalǵan telearna habarlaǵan bolatyn.
Endi taqqa onyń uly hanzada Narýhıto otyrady, dep habarlady «Gazeta.Ru».
Imperatorlyq saraı basqarmasy ımperator úndeýi 10 mınýtqa sozylatynyn aıtty. Ol jergilikti ýaqytpen saǵat 15.00-de translıatsııalanady. Úndeý basqarma saıtynda japon jáne aǵylshyn tilderinde jarııalanady.
Bul - ımperatordyń tarıhtaǵy ekinshi úndeýi. Alǵashqysyn 2011 jyly Japonııadaǵy iri jer silkinisinen keıin jasaǵan. Aǵymdaǵy jyldyń maýsymynda Japonııa ımperatory Akıhıto aldaǵy birneshe ýaqytta taqtan bas tartýy múmkin ekeni habarlanǵan.
Japonııada taqtan bas tartqan sońǵy ımperator Kokaký bolǵan. Ol óziniń taǵyn 1817 jyly ulyna tapsyrǵan.
