Japonııa ımperatorynyń taqtan ketetin kúni belgilendi
ASTANA. QazAqparat - Japonııa úkimeti ımperator Akıhıtonyń óz erkimen taqtan bas tartý kúni retinde 30 sáýirdi belgiledi, dep habarlaıdy QazAqparat trend.az agenttigine silteme jasap.
Málim etilgendeı, jańa muragerdi taqqa otyrǵyzý rásimi 2019 jyldyń 1 mamyrynda ótedi.
Mundaı sheshim sońǵy 25 jyl ishinde alǵash ret shaqyrylǵan Imperatordyń otbasy máseleleri jónindegi komıssııa otyrysynda qabyldandy. Imperator kózi tirisinde taqtan bas tartýy 200 jylda tuńǵysh ret bolǵaly otyr.
Ótken jyldyń tamyzynda ımperator Akıhıto halyqqa arnaıy úndeýinde egde jasyna baılanysty óz mindetterin oryndaý bara-bara qıynǵa soǵyp jatqanyn aıtyp, taqty muragerge bergisi keletinin jetkizgen edi. Biraq, Imperator úıi týraly zańda jáne el konstıtýtsııasynda muragerdiń taqqa otyrýy tek is basyndaǵy ımperator qaıtys bolǵannan keıin ǵana qarastyrylǵan.
