Japonııa ımperatory Hırohıtonyń ómirbaıany 12 myń paraq boldy
ASTANA. QazAqparat - Japonııada burynǵy ımperatorr Hırohıtonyń kólemi 12 myń bettik ómirbaıany jarııalandy, dep habarlady Imperator saraıynyń basqarmasy.
Bul týraly moya-planeta.ru saıty jazǵan.
Imperator Sevanyń (Hırohıtonyń shyn esimi) ǵumyrnamasy bir top ǵalymnyń 24 jyldyq eńbeginiń jemisi.
Imperator Sevanyń (1901-1989) bılik qurýy Japonııa tarıhyndaǵy eń uzaq kezeń boldy. Sol kezde elde qaıǵyly jáne aýqymdy oqıǵalar oryn aldy: Ekinshi dúnıejúzilik soǵys, Hırosıma men Nagasakıge atom bombasynyń tastalýy, Japonııanyń tize búgýi jáne amerkandyq jaýlap alý, Tokıodaǵy Olımpıadalyq oıyndar (1964), eldi qalpyna keltirý jáne Japonııany álemdegi ekinshi ekonomıkaǵa aınaldyrý.
Onyń ǵumyrnamasy buǵan deıingi eń kólemdi sanalǵan ımperator Meıdzıdiń (Mýtsýhıto, 1867-1912) ómiri týraly eńbekten bir jarym ese úlken bolyp shyqqan. Onyń kezinde Japonııada reformalar jasaldy, eýropalyq jetistikter belsendi qoldanyla bastaǵan edi.
Sevanyń ǵumyrbaıany 3000 tarıhı qujattarǵa súıengen, onyń 40-y alǵash ret jarııalanyp otyr. Bular - ımperatordyń óziniń kúndelik jazbalary jáne mekteptegi shyǵarmalary, ǵumyrbaıany men onyń aınalasyndaǵylardyń jazbalary jáne basqa da qujattar.
